चिचगड कोरची मुख्य रस्त्यावरील ढासगड परिसरातील घटना देवरी: तालुक्यातील चिचगड ते कोरची रस्त्याच्या कडेला पंचर असलेल्या झायलो गाडीला मोटरसायकलची धडक बसल्याने २३ वर्षीय दुचाकी चालक जागीच ठार झाल्याची घटना चिचगड पोलीस स्टेशन अंतर्गत ढासगड नजिक घडली आहे. मनीष परतेकी (२३) राह.पिपरखारी असे मृत तरुणाचे नाव आहे.सूत्रानुसार कोरची मार्गे चिचगड गावाकडे जाणाऱ्या रस्त्यावरील ढासगड जवळ पंचर झालेली झायलो गाडी क्रं.एम.एच.१२ जी.झेड.६७३६ रस्त्याच्या कडेला उभी होती. त्याच वेळेस मृतक आपल्या मोटर सायकलने पिपरखारीकडे जात होता.तरुणाचा वाहनावरील ताबा सुटल्याने, झायलो गाडीला जोरदार धडक दिली.या धडकेत मनीष परतेकी ह्या युवकाचा जागीच मृत्यू झाला आहे. शविच्छेदनाकरिता ग्रामीण रुग्णालय चिंचगड येथे पाठविण्यात आले असून,पुढील तपास चिचगड पोलीस करीत आहे.
रिपोर्ट : जुबेर शेख